كلمات بحلم هاني شاكر - كلمات اغاني

بحلم وعارف انه حلم كبير عليا

عندي الامل وهو ده العيب اللي فيا

شايفك قريب وانت عني بعيد اوي

جنبي وقصادي بس مش طيلاك ايديا

اكبر رهان في العمر كله مفيش بديل

غير اني اوصلك معنديش مستحيل

انا مستعد اعمل عشانك اي حاجة

هتشوف عينيك على حبي ليك مليون دليل

يمكن سارقاني السكينة مش واخد بالي

علشان في فروق بينا كبيرة وحالك غير حالي

وبرغم ده كله انا مصمم لازم اوصلك

مش فارقة معايا ومش خايف من اللي هيجرالي

انا ماسك في احبالي الدايبة ومتعلق بيها

والسكة طويلة ومش سهلة حالف همشيها

ماهو مش بعيد على ربنا مين اللي عارف

مش يمكن حكايتنا دي تكمل والناس تحكيها

عارف حكايتي معاك دي عاملة زي ايه

واحد قصاده حلم عايش بس ليه

شايف بعينه الجنة لكم مية خسارة

واقف قصاد الباب ومتحرم عليه

يا نجم ديما في السما وبعيد وعالي

لو بس تعرف حبي ليك وتحس حالي

هوصل لقلبك شيئ اكيد هلقى الطريقة

ما انا في الحقيقة انت الوحيد اللي في خيالي

يمكن سارقاني السكينة مش واخد بالي