كلمات بنت بدويه فتى رحيمه ( عيسى الناصر )

الف لالا والف لالا والف لالا

لا تكلم عن وفاء بنت بدويه

صعب توصف ما تشوف من الحلايا

وصعب توصف عندها النفس الابيه

كنها تعطيك حلوات الهدايا

لاحكت بالطيب والنفس الرضيه

نارها تسعد ولا فيها لضايا

ريح مسك وريح دله شاذليه

من تولع بالعراقيب الحفايا

ما يهمه شوك ولا سم حيه

يوم انا يا سعود نوخت المطايا

في عربها عارف رجال الحميه

ومن ادبها ما تفكر بالخطايا

وما تعقب غير شجعان البريه

جامعه مع زينها حلو السجايا

ويكفي انها من سلاله يعربيه