كلمات نهاية حب فتى رحيمه ( عيسى الناصر ) - كلمات اغاني

انتي جسد خالي على هيئه انسان

انتي حرام ان تكونين انتي

انتي جسد فاقد مشاعر ووجدان

توك بعيني عقب الاوهام دمتي

انتي دنيا الحب ونسه وعبران

ياللاسف انك بروحي سكنتي

كنتي بعيوني حلم ووعد وعنوان

وباعماق جوفك كل سرك دفنتي

عشنا غلا كله مسرات حنان

حتى في صدرك كل فرحه حضنتي

من العظه فات التوقع والامكان

وانتي الحب بالذات عشتي ودمتي

مديت لك يد الوفا طول الازمان

لكن خساره باخر الوقت خنتي

شتان بين الامس واليوم شتان

يامن بعيني اسفل الدرك كنتي

صرتي اماني عانق الطيب الاكفان

وعزاي انك رغم ماكان كنتي

تلبستي بثوب الحب

دخلتي الحب مع بابه

سكنتيني وفا واخلاص

وفاح الحب باطيابه

وتربعتي على الخاطر

وقلتي القلب للشاطر

بصوتك كانت الدنيا

قصايد صادقه وافراح

واذا غبتي احس الكون

اغاني محزنه واجراح

و ارد ارجع على الصوره

احس النفس مكسوره

عشقتك والغرام احساس

كبر ما بينك وبيني

نسيت اهلي نسيت الناس

فرحت انك تحبيني

تركت القلب لك واحه

بلا بالحب صداحه

ودار الوقت واثاري الوقت

يبين ما خفى بالامس

وشفتك في ثياب الغدر

حقيقه مثل عين الشمس

مزاجيه ولعابه

طلعتي حيل كذابه

اذا انتي كذا وشلون

اثق في يوم في انسانه

حرام اني اشوف الناس

اذا خنتيني خوانه

و ارد ارجع على الصوره

احس النفس مكسوره