كلمات فرحة او حزن عيسى الوعد

انا حبي فوق ما بالك يظن

عالم ما يسكنه احد سواك

انا ما احبك انا اشوفك وطن

انتمي لك و ارخص الغالي فداك

الدمع نوعين فرحة او حزن

بس انا لي عين تدمع من غلاك

فيها لمعة شوق لما لك تحن

و فيها لمعة حب تظهر لك معاك

تظلم فعيني بلا وصلك مدن

واختنق فالشوق و يحيني هواك

ياللي كل الكون في بعدك سجن

اسرني فيك و افراجي لقاك

خذني في جوك على خد المزن

ولا ترجعني ابي احيا ف سماك

خلني ابحر بلا شراع و سفن

في فضاك من اوله لاخر مداك

من جذوري اعشقك لاخر غصن

و يكبر فقلبي معا نبضي غلاك

قول احبك خل روحي تطمئن

قولها يا جعلني كلي فداك