كلمات اعاتب اشواقي سعود جاسم

تعبت اعاتب اشواقي

و اصبر نفسي بالنسيان

و كلما جيت انا انساك

يمر طيفك و يذكرني

ولا اذكر ولو مره

لقيت لك سبب هجران

لقيتك بس تبي تفرح

بصدك لي و تجرحني

وكل ذنبي اني اغليتك

ولا قدرتك باثمان

حسبتني ساكن بقلبك

مثل ما انت تسكني

تشوف الوله بعيوني

و تحس بقلبي التعبان

و رغم هذا تبي تجحد

غرامي لك و تجحدني

تسابق طيفك العليا

تحرك داخلي اشجان

و تهمس نفسي لحظتها

علامك ليه تطعني

يصارع عقلي انفاسي

تفجر داخلي طغيان

ابي ارحل ولا اقوى

غيابك يا معذبني

تهيجني تفاصيلك

وتعصف فيني الطوفان

تشتتني و تحييني

تلملمني و تذبحني

ابحبس شوقي باعماقي

و اصارع داخلي الانسان

عسى الله ياخذ بيدي

وعلى فراقك يصبرني