كلمات الذيب عيسى الكبيسي

ياربعنا ياللي على الفطر الشيب

عز الله انه ضاع منكم وداعه

رحتوا على الطوعات مثل العياسيب

وجيتوا وخليتوا لقلبي بضاعه

ياذيب انا بوصيك لا تاكل الذيب

كم ليله عشاك عقب المجاعه

كم ليله عشاك حرش العراقيب

وكم شيخ قوم كزته لك ذراعه

جرحي عطيب ولا بقى لي مقاضيب

وافخت حبل الوصل عقب انقطاعه

كني بعد فقده بحامي اللواهيب

وكني غريب الدار مالي جماعه

خليتوا النادر بدار الاجانيب

وضاقت بي الافاق عقب اتساعه

تكدرن لي صافيات المشاريب

وبالعون شفت الذل عقب الشجاعه

من عقب ذيب الخيل عرج مهاليب

ياهل الرمك ماعاد فيهن طماعه

قالوا تطيب وقلت وشلون بااطيب

وطلبت من عند الكريم الشفاعه