كلمات الا يا طير احلام

الا يا طير صادوك الغرايب والاقدار

لو انك حذر يا طير ما كان صادوك

ناديت لك مره ومرات وامرار

صاوختني وجاوبتهم يوم نادوك

اصرخ بعد واشكي بعد ليه تحتار

وتقولي ليه بعزة النفس ذلوك

وهذه الحقيقة وش تبي عكس ما صار

وتعز لك ناس على ناس عزوك

انته تظن اهل الوفى بالهوى اكثار

طالع ظنونك للاسف وين ودوك

ياما نصحناك انتبه حولك النار

رجل على الجمره ورجل على الشوك

هم صوروا لك حبهم شي ما صار

حتى شعورك وبالاحاسيس غشوك

وياللي نسيت ان الزمن دوم دوار

جازتني بالظلم وبالظلم جازوك

جابك زمانك عندنا وصار ما صار

نفس الخطى اللي ودتك امس جابوك

والله وتوقعنا بتجي شايل اعذار

عارف خطاك بحقنا يوم خانوك

قلنا الهوى ماهو غصيبه واجبار

لو كان حبك صادق ان كان حبوك

احنا الامل واحنا الهوى وشمعة الدار

واحنا الحبايب اللي ما يوم خلوك