اغنية البارحه

البارحه يوم الخلايق نياما
بيحت من كثر البكا كل مكنون
قمت اتوجد له وانثر علاما
من موق عيني دمعها كان مخزون
ولي ونة من سمعها ما يناما
كني صويب بين الأضلاع مطعون
والا كما ونة كثير السلاما
خلوه ربعه للمعادين مديون

والاف ونة راع بية حماما
غاد ذكرها والقوانيص يرمون
تسمع لها بين الجرايد حطاما
و من نوحها تدعي المواليف يبكون
والا رضيع جرعوه الفطاما
أمه غدت قبل اربعينه يتمون
جاها القضى من بعد شهر الصياما
صافي الجبين بثاني العيد مدفون

حطوا عليه من الخرق ثوب خاما
وقاموا عليه من الترايب يهلون
راحوا بها حزت صلاة الأماما
عند الدفن قاموا لها الله يدعون
برضاه والجنه وحسن الختاما
ودموع عيني فوق خدي يهلون
يا قبر يسقي ثراك الغماما
مزنن من الرحمه عليها يصبون

ياليت اغصان النفل والخزاما
تنبت على قبر به اليوم مدفون
مرحوم ياللي مامشى بالملاما
جيران بيته راح مامنه يشكون
اخذت أنا وياه عشرة اعواما
مامثله في كيفة مالها لون
والله كنه ياعرب صرف عاما
وياعونة الله صرف الأيام وشلون


واكثر همومي من صغار يتاما
ان شفتهم قدام عيني يبكون
ان قلت لاتبكون قالوا علاما
نبكي و يبكي مثلنا كل محزون
قلت السبب تبكون قالوا يتاما
قلت اليتيم أنا و انتم تسدون
مع الصغار و كل جرحين لاما
إلا جروح بخاطري ما يطيبون

قمت اتشكى عند ربع اعداما
جوني على فرقا خليلي يعزون
قالوا تجوز و انسى لاما بلاما
ترى العذارى عند بعضهم يسلون
اخاف أنا من غاديات الذماما
اللي على ضيم الدهر ما يتاقون
أو واحده ماعقلها بالتماما
تضحك وهي تلدغ على الكبد بالهون

توذي عيالي بالنهار والكلاما
وأنا تجرعني من المر بصحون
والله لولا هالصغار اليتاما
واخاف عليهم من السكه يضيعون
لا قول كل البيض عقبه حراما
واصبر كما يصبر على الحبس مسجون
عليه مني كل يوم سلاما
عدت حجيج البيت و اللي يطوفون
واعداد ما نبت النفل والخزاما
على النبي اللي حضرتوا تصلون

1985

غناء : راشد الماجد

كلمات : نمر بن عدوان

الحان : مشعل العروج

السنة : 2007

كلمات اغنية البارحه ملحن اغنية البارحه, كاتب اغنية البارحه ,كلمات اغنية البارحه راشد الماجد hgfhvpi vha] hglh[]

جميع حقوق كلمات الاغاني الموجودة في الموقع هي ملك لاصحابها و تعرض كلمات الاغاني هنا لغرض القراءة فقط
All song lyrics on the site are property of their respective owners and are presented here for reading purposes only