كلمات ليالي الخوف عبدالله الرويشد

اخاف ابكي يبان ذلي

ويوجعني كلام الناس

واخاف اسكت يقول خلي

باني فاقد الاحساس

واخاف امشي اشوف ظلي

با قدام العدا ينداس

انا عايش ليالي الخوف

ودربي صعب ماينقاس

غريب وغربتي مره

وليلي السهد في الانفاس

ياويلي لو اقول الاه

يشيب الشعر فوق الراس

انا الجاني وانا المجني

وانا المحبوس والحراس

واقضي الليل على عودي

انا وعنتر وابو نواس

الف الدنيا شرق وغرب

من دكا الى تكساس

وغني للهوى والحرب

وغني للندى والياس

وافتح في الخيال عكا

واحكم قرطبه ومكناس

واتقلب على فرشي

كما الجمره على المحماس

تطاردني رياح الوهم

واشوف نفسي ابن فرناس

واطلع فوق اطلع فوق

وانزل جسم من غير راس

اشوف الارض ماهي ارض

واشوف الناس ماهي ناس