كلمات اللي قادرة امال ماهر

اللي قادرة ع التحدي و ع المواجهة

واللي قادرة في خوفها تعلن احتجاجها

تبقى دي هي الاحق

انها تقول الف لا

لو لقت ايامها مش ماشية ب مزاجها

اللي رافضة وجودها يبقى سد خانة

او تسيب حد يعاملها ب استهانة

صعب تتحاوط ب سور

سهل لو تغضب تثور

كبرياءها مانعها تلعب دور جبانة

عافية ذوق

طول ما انا صاحبة حقوق

مش هبان مكسورة ولا هبان يوم ضعيفة

عافية ذوق

شايفة اني مكاني فوق

واللي عاشت ملكة مش هتعيش وصيفة

مش هحايل قلب شايفاه مش عايزني

مش هخلي دموعي تنزل غير ب اذني

مش هعيش غير ليا بس

مش هيسكت ليا حس

مش هبطل ضحك حتى في عز حزني