كلمات ضربة معلم منى امرشا

والله دنيا تعلم

الي بعد ماتعلم

كنت ابرهن فؤادي

لكن الله سلم

جاي يجرب ذكائه

فيني وكبريائه

بس طاح بغبائه

شبه ضربة معلم

يحسب ان باستطاعه

يبيعني بظرف ساعه

وانكشف لي خداعه

قبل حتى يسلم

ظن حبي تجاره

يبغى فن وشطاره

بس رد بخساره

ومن غرامي تعلم

جيت له بالنصيحه

قلت والله فضيحه

هالوفى تستبيحه

بس منهو تكلم

لو هو ادرك كلامي

كان فاز بهيامي

لو صدق في غرامي

ما انجرح او تالم