منت رايق فيك شي ومتضايق
مانت في طبعك ولا هذا مزاجك
التفت لي شوي محتاج لدقايق
انا ماصدقت اشوفك وانتواجه
ودي اطفي بشوفتك نار الحرايق
ودي انسى بك ردى الحظ وعجاجه
عش معي في فرحتي وانسى الخلايق
واسمع لرعشة خفوقي واحتجاجه
علم مابينك وبين الما عوايد
من رحيق ازهار روضي وابتهاجه
ليه تخفي يابعد روحي الحقايق
يسألك قلبي دخيلك بس ناجه
وين عني شارد النظره توايق
مانت في حالة ظلام ولا سراجه
آه ياحلوك عليك الحزن لايق
ياعسى ربي يعجل في انفراجه
جت تسائلني علامك منت رايق
قلت رايق بس ابكتب فيك حاجه
غناء : عبدالمجيد عبدالله
كلمات : نواف بن فيصل ( اسير الشوق )
الحان : عبدالمجيد عبدالله
توزيع : امير عبدالمجيد
السنة : 1997