اغنية درع البلد


وجه السعد درع البلد لاعدمناه
ابن المليك اللي على الشعب غالي

سلمان ابوه وجده معزي اشباه
وهو من الاثنين ماهو بخالي

هذا الذي لولا الولي ثم لولاه
يابري حالي كان يابري حالي

على محمد قولوا الحمد لله
والشكر للمولى عظيم الجلالي

محمد محمد زبون المخلاه
و مفتكها ماشربكتها الحبالي

اللي بيمناه خذاها بيمناه
ولحمولها نوخ ظهور الجمالي

الحكم يبغى واحد كنه اياه
يضرب على راس العدو مايمالي

متفهق ماتلحق اقصاه وادناه
وبكفته مايرجحن الجبالي

في مجلس من حط كوعه بمركاه
مايشتكي من ضيم سود الليالي

وانا خويه والمعازيب تفداه
شيخ تخاضع له زحول الرجالي

قالوا وقلت اقول محد بوياه
والشعب له كله خوي موالي

يلقى المعزه والكرامه ويلقاه
حر مطاليعه على كل عالي

شامت له العوجا العصي المسماه
وعدل عوجها بالفعول اعتدالي

واللي براسه حلم بالعلم وطاه
الين قضبها الطريق ارتجالي

مشيد مجده على العز مبناه
صم الصفا ماهوب جرف هيالي

عز الله انه قد منصبه و ملاه
وانه على ماقيل وافي الخصالي

ودم العروبه والعرب عنده اقضاه
من دم راس وشوف عين الملالي

خله وخل اللي يلاحي ملاحاه
مثل السفيه اللي من العقل سالي

ياطيب راسه يارياجيل طيباه
في ذمتي ماله حلي يحالي

غير الملك سلمان مافيه حلياه
فالسلم ولا في نهار القتالي

التبليغ عن خطاء

كلمات اغنية درع البلد كلمات درع البلد ملحن اغنية درع البلد, كاتب اغنية درع البلد,كلمات اغنية درع البلد رابح صقر ]vu hgfg] vhfp wrv

اغاني رابح صقر - اغاني راشد الماجد - اعمال مشعل بن محماس الحارثي - اعمال ياسر بوعلي - اعمال رافت

تابعنا على
جميع حقوق ( كلمات اغنية درع البلد رابح صقر ) هي ملك لاصحابها و تعرض هنا لغرض القراءة فقط
All song lyrics on the site are property of their respective owners and are presented here for reading purposes only