كلمات يانور عيني ميحد حمد - كلمات اغاني

يا نور عيني كم لي من الصبر كم

يا قايد اريام المهالي سروحي

لي مر طيفك هلت دموعي دم

من زود مابي فيضت به جروحي

ياما تبعتك في الهوى وانت ظالم

تجرح وانا اضمد جروحي بروحي

واليوم ما شملي وشملك بايلتم

مالي بحب اللي غدر في طموحي

عرفت غيرك صاحب يجلي الهم

ما بين ترفات الصبايا مزوحي

كنه لجرح الروح طب وبلسم

اشتاق له ان غاب عني وانوحي

لو هو سقاني في الهوى كاس من سم

ادري وداد اللي بحبه نصوحي

لو اني بعيد الدار لي نفس تعلم

رؤيا خياله في ناظري تلوحي

اعز نفسي عن غرام التوهم

واسرار نفسي ما ولاها فضوحي

هذه النهايه وانتا باحساس ترجم

معنى الحروف اللي كتبها سموحي