الف ليلة وليلة

يا حبيبي الليل وسماه ونجومه وقمره وسهره
وانت وانا يا حبيبي أنا يا حياتى انا كلنا فى الحب سوا
والهوى اه منه الهوى سهران الهوى
يسقينا الهنا ويقول بالهنا يا حبيبي

يا حبيبي يلا نعيش في عيون الليل
ونقول للشمس تعالي تعالي بعد سنة مش قبل سنة
دي ليلة حب حلوة بألف ليلة وليلة
بكل العمر هو العمر ايه غير ليلة زي الليلة

ازاي ازاي أوصف لك يا حبيبي ازاي
قبل ما احبك كنت ازاي يا حبيبي
كنت ولا امبارح فاكراه ولا عندى بكره استناه
ولا حتى يومى عايشاه يا حبيبي

خدتنى بالحب ف غمضة عين وريتنى حلاوة الأيام فين
الليل بعد ما كان غربة مليته أمان
والعمر اللي كان صحرا صبح بستان

يا حبيبي ايه أجمل م الليل واتنين زينا عاشقين
تايهين محناش حاسين العمر ثواني ولا سنين
حاسين اننا بنحب وبس عايشين لليل والحب وبس
يا حبيبي الحب حياتنا وبيتنا وقوتنا
للناس دنيتهم واحنا لنا دنيتنا
وان قالوا عن عشاقه بيدوبوا ف نار أشواقه
اهي ناره دي جنتنا ناره دي جنتنا
والحب عمره ما جرح عمره عمره ما جرح
ولا عمر بستانه طرح غير الهنا وغير الفرح

يا قمر ليلي يا ضل نهاري يا حبي يا أيامي الهنية
عندي لك أجمل هديةعندي لك أجمل هدية
كلمة الحب اللى بيها تملك الدنيا وما فيها
و اللي تفتح لك كنوز الدنيا ديا قولها ليا
قولها للطير للشجر للناس لكل الدنيا
قول قول قول الحب نعمة مش خطية
الله محبة الخير محبة النور محبة

يا رب تفضل حلاوة سلام أول لقا ف ايدينا
وفرح أول معاد منقاد شموع حوالينا
ويفوت علينا الزمان يفرش أمانه علينا
يا رب لا عمر كاس الفراق المر يسقينا
ولا يعرف الحزن مطرحنا ولا يجينا
وغير شموع الفرح ما تشوف ليالينا

التبليغ عن خطأ

اخترنا لك

كلمات الف ليلة وليلة كلمات الف ليلة وليلة ملحن الف ليلة وليلة, كاتب الف ليلة وليلة,كلمات الف ليلة وليلة ام كلثوم hgt gdgm ,gdgm hl ;ge,l

اعمال ام كلثوم- اعمال من كلمات مرسي جميل عزيز- اعمال من الحان بليغ حمدي

جميع حقوق ( كلمات الف ليلة وليلة ام كلثوم ) هي ملك لاصحابها و تعرض هنا لغرض القراءة فقط
All song lyrics on the site are property of their respective owners and are presented here for reading purposes only ( closed )
1 - 2 - 3 - 4 - 5 - 6 - 7 - 8 - 9 - 10 - 11 - 12 - 13 - 14 - 15 - 16 - 17 - 18 - 19 - 20 - 21 - 22 - 23 - 24 - 25 - 26 - 27 - 28 - 29 - 30 - 31 - 32 - 33 - 34 - 35 - 36 - 37 - 38 - 39 - 40 - 41 - 42 - 43 - 44 -